سیچانلار گوله گوله انباری بوشالدیر لار.

سیچانلار بویات پنیرین ایسین بیلیر لر! آغیللی سیچان لار بویات پنیر اوچون تله یه دوشمزلر. اونلار پنیر لری تله لرین اوستیندن ائله قوپاریر لار ، ائله بیل  بو سانجاقا  پنیر  سانجیلمامیش!!
 كئچن ایل لر ده ، لاپ بئله كئچن ایللر ده ، او زامانلار كی دیوار لار زیغ دانیدی و بتون ، آرماتور   تاپیلمامیشدی - تا پیلسیدی ده - وارلی لار پاسدانار دیه   كاسیب لاری اوندان اوزاق ساخلیر دیلار  ، بیزیم انبار لاردادا سیچان اولوردی.
اوشاقلار هر سری پنیر گئتیر مگه انبارا گئدیب گلیر دیلر . شكایت ائدیر دیلر كی " آقا نیه پنیری آز آلیب سان.
بو هئچ قیشین اول گونینه ده یئتیشمز."
اول ده من ائله بیلیر دیم  اوشاقلار ، مزاح ائدیر لر ده ییر دیم: پنیر بازاردا تاپیلمیر. بونلاری دا گوج نن تاپ میشام. یئیوز  تاری یا تپیگ آتمیوز."
قیشین اول گونی بیلدیم ، انباردا سیچان  یورغان آتیب یاتیب.نقدر های سالدیم ، نقدر  توسدو بوراخدیم ، سیچان انباری بوشاتمادی. انبار ائله بیل اونون دده مالیدی! ائله بیلیر دی  انبارا گیرن ، انباردان چیخمیر.
بیلمیردی انبارین دا صاحیبی وار . انباری قورور.
دورد بئش گون قیشدان گئچمیشدی، من سیچان توتماقا  حالیم یوخیدی ، پنیر انباردان یوخ اولموشدی ، اما من بئله حسابلاییردیم آلدیقیم پنیر لری اوز اوشاقلاریمیز یئمیش دیلر.
بو دورد بئش گونده ، اوشاقلار  پنیر تاپا بیلمه دیلر. من ده سیچان توتماقا  حالیم یوخیدی. آخیر قونشولار اوشاقلارین هاییندان زارا گلیب ، مندن ایسته دیلر بیر ایش گوریم بو موشكولی یئردن گوتوروم.
آخ نئچه توتدیم اونلاری!!
سیچانلارین بیری  - چال بیر سیچان-  اون ایشینه ده ال آپارمیشدی. اون تلیسیندن تك تلیسی قالیردی . دئمه تلیس سویوق هاوا سیندا بوزلاییب ، قاج قالیب ، ایچی بوش تلیس!!
چال سیچان گئجه یاریسی اونی داشیردی. بیر گون منی گوریب قارانلیقا قاچدی. چیراغین ایشیقیندا آز قالا اونی توتمیشدیم. صاباحیسی چیراق یئریندن اوزیلمیشدی!
پاترونی دا(سرپیچ)  اوزولمیشدی. یادیما كوچه باشیندا كی تیر دوشدی ، تیرین ایشیغیندا  بیر نفر اوزیب یئریندن گوتورمیشیدی.كوپك لر ،  قارانلیقی چوخ سویر لر!!!

من ایندی بویوگ سیچانلاری توتماق ایسیتیرم.