تووف سنون نورانی هیكلووه.
تووف ...
تووف...
***
گونین ایشیغیدا گورمه ییب اونی
كولگه ده یاتیبدی ، گولگه ده دوروب
آی كیمی ایشیلدیر چیخاندا چوله .
كولگه ده یاتیبدی ، گولگه ده دوروب

***
آغ كاغیذ كیمی دیر ال لرینه باخ!
الینین ایشیغی آینا كیمی دیر
نورانی صیفتی داییم پارلاییر
كولگه ده یاتیبدی ، گولگه ده دوروب

***
آخ!!! نئجه سریندی ، كولگه لره باخ!
كولگه ده اوتوروب كولگه ده دوروب
ایشده مگ بیلمه ییب ، آجی بیلمه ییب
كولگه ده یاتیبدی ، گولگه ده دوروب
***
داییم یئیب دیر ، داییم كوكه لیب
اوروجون قویونو آرپا یئمگ دن
هئچ چیخماییب گونه ،هئچ گورمه ییب گون
كولگه ده یاتیبدی ، گولگه ده دوروب
***
بیر قورتوم سویا دا ال اوزاتماییب
بیر تیكه چورگه آرزو آتماییب
سوفره سی آچیغدی ، دیز اوسته چورگ
كولگه ده یاتیبدی ، گولگه ده دوروب
***
بوتون دونیا دادا آدینی چكیر
دونیا اونا بوشدی او ایسه دولو
قارینی قادینی ...سایدیقلاریدی
كولگه ده یاتیبدی ، گولگه ده دوروب
***