من
اینسان ده ییلن لردن
بیریم
تنیمده ، دامارلاریمدا،
آخان قانلارین صاحیبی یم.
*
من
جیسمین چپره سینده ، تانرینین،
تانرینین روحونون بیر
تیكه سینی قورویان آدامام.
*
من
دنیز لرین
اقیانوسلارین دالغالاریندان بویوگ
شیطانین آداملارینین
قاباقیندا
شیطان دوشونجه لرینه
بویون اگمه ین آدامام.
*
من
كیچیك بیر حیكایه یم
،بویوگ رومانلاردا.
بیر كلمه یم.
بیر حرفم.
بیر ذره یم.
بیر توزام.
بیر توزین سسی یم.
بیر توزین سسی نین هاواسیام.
تانرینین یولوندا.
*
طالعین گوشینین اوچمه سین
گودنمه رم.
منیم داها واجیب ایشلریم
وار
هاوایا باخیب
قوشباز آداملار كیمین
اینسان لارا باخماقدان
داها واجیب ایشلریم وار
دورد گونلوگ دونیادا.