داریخیرام راحات یاتان ، یئر آلتیندا قالان جانا
داریخیرام قاناد چالیب ، او اوچمه ین ،قانادلارا
داریخیرام ، داریخیرام ، داها گئنه داریخیرام
داریخیرام ناحاق یئره ، یئر اوزینده آخان قانا
*
داریخیرام  دانیشدیقیم سوزلریمی دانا ، دانا
داریخیرام نفس گئده بیر یئریمده تنیم قالا
داریخیرام قوردلار گلیب ،قویون لاری سووارماقا
داریخیرام جنت اولا شیطان لارین او مسكنی
**
داریخیرام قوشلار سسین كسه ،  اولو مزار اولا.
داریخیرام ناحاق دونه حاقدان بتر یالان اولا
داریخیرام  بو دونیادا ، دئدیكلری یالان اولا
داریخیرام داریخیرام ، اوخ آتماگا داریخیرام
***
داریخیرام شیطان گله ،نفس لرینی آلدادا
داریخیرام صوحبت اولا شیرین عدالت آغاجی
داریخیرام ضولوم لرین سونو گلمه یه بیر گون.
داریخیرام داریخیرام ، اوخ آتماگا داریخیرام

 یازار :  قاریشیق خیال لار