" بو یازی بیر کوپی دیر"

آرخامدا ، اؤنومده، ساغیمدا، سوْلومدا بیر سورو کؤپک ایزى وار. ایزلرین هامیسى عئینى.
ائوئت، سانکى بیر ایزین شکلینى کوْپى ائدیب میلیونلار کره یاییملاییبلار.  
ایزلر عئینى ایزلردیر آمما ندنسه آت ایزى ایت ایزینه قاریشمیش کیمى حیسس ائدیرم.
کؤپک ایزلرى اؤنلرینه چیخان جانلى لارى یئییرلر. کؤپک ایزلر اینسانلاریمیزى، ائولادلاریمیزى یئییرلر.
بیر آزدان منى ده یئیه جکلر. بیر قورد ایزى تاپماق اوچون چوخ اوغراشدیم.
خوجام بیر قورد ایزى تاپیب کؤپک ایزلرین ایچینه بوراخمالیسان دئمیشدى. قورد ایزى ایت ایزلرینى یئییب یوخ ائدر. تاپا بیلمه دیم.
بعضى لرینده قورد ایزى وار آمما نه دنسه او ایزى گیزله دیبلر.
کؤپک ایزلر اؤنجه اینسانین ال - قولونو سوْنرا بئینینى یئییرلر.
ایندى تام منیم بئینیمه چاتیبلار. ایندى...


محمد رضا لوایی